काठमाडौं – नेपाली फेसन उद्योगमा सनसनी मच्चाएको ब्रान्ड ‘Choose Me’ ले आफ्नो दोस्रो आउटलेट काठमाडौं मल, सुन्धारामा भव्य रूपमा उद्घाटन गरेको छ। पहिलो आउटलेट पाटनमा खोलेर जबरजस्त सफलता हात पारेपछि, रिना जोशी (Choose Me दिदी) ले राजधानीको मुटुमा अर्को शाखा थपेकी हुन्।
काठमाडौं मल Entrance Level, Shop No. 109 मा खुलेको नयाँ आउटलेटको उद्घाटन समारोहमा फेसनप्रेमीहरूको ठूलाे घुइँचो लाग्यो। ग्राहक, व्यवसायी, तथा शुभेच्छुकहरूको उल्लेखनीय उपस्थिति रहेको कार्यक्रममा उपस्थितहरूले ‘Choose Me’ का हट फेसन कलेक्सन हेर्दै धमाधम किनमेल गरे। आउटलेटको उद्घाटन गर्दै रिना जोशी ले भनिन् – "फेसन भनेको केवल कपडा होइन, आत्मविश्वास हो। मैले ‘Choose Me’ सुरु गर्दा ग्राहकहरूको साथ नै मेरो सबैभन्दा ठूलो शक्ति बन्यो। तपाईंहरूको साथ, समर्थन र माया सधैं रहोस् भन्ने मेरो चाहना छ।"
शिक्षिकाबाट सफल उद्यमी बनेकी रिना जोशी सामाजिक सञ्जालमा भाइरल छिन्। ‘Choose Me दिदी’ को नामले चर्चित उनी टिकटक र फेसबुकमा आफ्नो मिठासपूर्ण शैलीले सबैको मन जित्न सफल भएकी छन्। केही वर्षअघिसम्म सानो सपना देखेर व्यवसाय थालेकी रिना जोशी को ब्रान्ड आज नेपाली फेसन बजारमा एक ट्रेन्ड बन्दै गएको छ। कटनका कुर्था, सुरवाल, र सारी प्रमुख आकर्षण रहेको ‘Choose Me’ ले नयाँ आउटलेट ओपनिङको अवसरमा १०% छुट समेत उपलब्ध गराएको छ। ‘The Style You Love, Now Closer to You!’ यो नारासहित सञ्चालनमा आएको नयाँ आउटलेट फेसनप्रेमीहरूको ‘Must Visit’ गन्तव्य बन्ने विश्वास गरिएको छ।
उद्घाटन अवसरमा विशेष अफरहरू समेत दिइएको छ, जसले ग्राहकहरूको जोश झन् बढाएको छ। सपना देख्नेदेखि पूरा गर्नेसम्मको यो यात्रामा रिना जोशी लाई साथ दिइरहेका सबै ग्राहक, शुभचिन्तक र फेसनप्रेमीहरूलाई उनले भावुक हुँदै भनिन् – "साथमा हुनुहुन्थ्यो, साथमा हुनुहुन्छ, सधैं साथमा रहनु होला!"
प्रकाशित मिति: शनिबार, फागुन २४, २०८१ ०६:५३
