दुबईमा विश्वकै लामो २४-क्यारेट सुनको पदमार्ग बन्दै
दुबई — विश्वभर अनौठा र भव्य संरचनाका लागि प्रसिद्ध दुबईले पर्यटकहरूका लागि अर्को नयाँ आकर्षण थप्ने भएको छ। सन् २०२६ को अन्त्य हुनुअघि नै दुबईमा विश्वकै पहिलो र सबैभन्दा लामो २४-क्यारेट सुनको पदमार्ग (Walkway) सञ्चालनमा ल्याइने भएको छ।
दुबई गोल्ड डिस्ट्रिक्टका व्यावसायिक क्षेत्रका वरिष्ठ निर्देशक रसिद अल हर्मुदीका अनुसार यो सुनको पदमार्ग आगामी दुई महिनाभित्रै पर्यटकका लागि खुला गर्ने तयारी छ। यस योजनाले आगन्तुकहरूलाई सुनको बाटोमा हिँड्ने अनोखा अनुभव प्रदान गर्नुका साथै दुबईलाई सुन व्यापार र पर्यटनको विश्वव्यापी केन्द्रका रूपमा थप मजबुत बनाउनेछ।
हालै 'जोयालुकास ज्वेलरी' ले बनाएको १६.५ किलोभन्दा बढी तौलको परम्परागत भारतीय झुम्का (झुम्का ‘सहस्र मयिल’) ले सबैभन्दा गह्रौँ र सबैभन्दा ठूलो सुनको झुम्काका रूपमा दुईवटा गिनिज वर्ल्ड रेकर्ड कायम गरेकै अवसरमा यस पदमार्गको घोषणा गरिएको हो। डेइरा (Deira) मा अवस्थित गोल्ड डिस्ट्रिक्टमा अब सुनका पारखी र पर्यटकहरूका लागि यो पदमार्ग मुख्य पर्यटकीय गन्तव्य बन्ने अपेक्षा गरिएको छ।
ललित सन्देश
यस अनलाइन पोर्टलका आधिकारिक लेखक तथा सम्पादक हुनुहुन्छ। देश तथा विदेशका ताजा र सत्य तथ्य समाचार पस्कन सधैं अग्रसर।
टिप्पणी लेख्नुहोस्