विषाक्त ‘बीफ वेलिंगटन’ मार्फत तीन नातेदारको हत्या र एकको ज्यान मार्ने प्रयास

भिक्टोरिया — ग्रामीण भिक्टोरियास्थित आफ्नै घरमा सन् २०२३ मा आयोजित भोजका क्रममा घातक 'डेथ क्याप' च्याउ मिसाइएको 'बीफ वेलिंगटन' खुवाएर तीन जना नातेदारको हत्या गरेको भयानक घटनाले फेरि एकपटक अदालतको फैसलासँगै चर्चा पाएको छ। उक्त विषालु खानाका कारण प्याटरसनका ससुरा डोन प्याटरसन, सासु गेल प्याटरसन र गेलकी बहिनी हेथर विल्किंसनको ज्यान गएको थियो।

सोही भोजमा सहभागी भएका हेथरका श्रीमान् तथा स्थानीय पास्टर इयान विल्किंसन भने हप्तौँ अस्पतालको उपचारपछि बाँच्न सफल भएपनि उनी हालसम्म पनि गम्भीर स्वास्थ्य समस्याहरूसँग जुधिरहेका छन्। एरिनका पूर्वपति साइमन प्याटरसन पनि उक्त भोजमा आमन्त्रित थिए, तर यसअघि नै श्रीमतीले आफूलाई धेरैपटक विष दिने प्रयास गरेको आशङ्काका कारण उनले अन्तिम समयमा सहभागिता रद्द गरेका थिए। अदालतले यस घटनालाई "अकल्पनीय आपराधिक क्रूरता" को संज्ञा दिँदै दोषीलाई कुनै पनि हालतमा छुट दिन नहुने निष्कर्ष निकालेको छ।