सूचना प्रविधि र जनशक्ति अभावले शिक्षक सेवा आयोगलाई चुनौती

काठमाडौँ — देशका सामुदायिक विद्यालयहरूका लागि योग्य शिक्षक छनोट गर्ने जिम्मेवारी बोकेको शिक्षक सेवा आयोग आफ्नै भौतिक भवन नहुँदा गम्भीर समस्यामा परेको छ। लामो समयदेखि साँघुरो कोठाबाट कागजात तथा उत्तरपुस्तिका भण्डारण गर्नुपर्ने बाध्यता र प्रदेशस्तरमा शाखा कार्यालयहरूको स्थापना हुन नसक्दा आयोगको समग्र कार्यसम्पादन र सेवा प्रवाह प्रत्यक्ष रूपमा प्रभावित भएको छ।

देशभरका हजारौँ शिक्षक सेवाका परीक्षार्थी तथा सेवाग्राहीहरूसँग प्रत्यक्ष जोडिने यस महत्त्वपूर्ण संवैधानिक तथा निकायको आफ्नै भवन नहुनु प्रशासनिक कामकाजमा ठूलो बाधा बनेको छ। परीक्षा व्यवस्थापन, उत्तरपुस्तिका परीक्षण, मौखिक अन्तर्वार्ता सञ्चालन तथा शिक्षकहरूको कार्यसम्पादन मूल्याङ्कन फारामहरूको सुरक्षित अभिलेख राख्नका लागि पर्याप्त भौतिक पूर्वाधार नभएका कारण कर्मचारीहरूलाई काम गर्नसमेत असहज हुँदै आएको छ। सम्बन्धित निकायले यस तर्फ समयमै ध्यान नदिएमा आगामी दिनमा शिक्षक चयन प्रक्रियामा थप जटिलता उत्पन्न हुन सक्ने चिन्ता व्यक्त गरिएको छ।