नेपाल राष्ट्र बैङ्कद्वारा आजका लागि विदेशी मुद्राको विनिमय दर तय

काठमाडौँ — नेपाल राष्ट्र बैङ्कले आज (बिहीबार) का लागि विदेशी मुद्राहरूको विनिमय दर निर्धारण गरेको छ। केन्द्रीय बैङ्कले सार्वजनिक गरेको परिमार्जित दरअनुसार अमेरिकी डलर एकको खरिददर १५१ रुपैयाँ १३ पैसा र बिक्रीदर १५१ रुपैयाँ ७३ पैसा कायम गरिएको छ।

यसैगरी, युरोपियन युरोको मूल्यमा पनि नयाँ दर तोकिएको छ। आजका लागि युरो एकको खरिददर १७० रुपैयाँ १६ पैसा र बिक्रीदर १७० रुपैयाँ ८४ पैसा निर्धारण गरिएको छ। अन्तर्राष्ट्रिय बजारमा हुने उतारचढावका आधारमा केन्द्रीय बैङ्कले दैनिक रूपमा विदेशी मुद्राको आधिकारिक विनिमय दर तोक्दै आएको छ।