सन् २०१८ को 'स्यान्डपेपर' काण्डबारे उस्मान ख्वाजाको आरोपको अस्ट्रेलियाली कप्तान कमिन्सद्वारा प्रतिवाद

सिड्नी — अस्ट्रेलियाली क्रिकेट टोलीका कप्तान प्याट कमिन्सले सन् २०१८ को चर्चित ‘स्यान्डपेपर’ काण्डबारे टिमकै ब्याट्सम्यान उस्मान ख्वाजाले लगाएको आरोपको कडा प्रतिवाद गरेका छन्। ख्वाजाले कमिन्ससहितका सबै खेलाडीहरूलाई बल टेम्परिङको पूर्वजानकारी रहेको दाबी गरेका थिए।

तर, कप्तान कमिन्सले ख्वाजाको उक्त दाबीलाई पूर्ण रूपमा खारेज गर्दै त्यसलाई ‘शतप्रतिशत गलत’ र ‘पूर्णतः बकवास’ भनेका छन्। उनले सन् २०१८ को उक्त घटनाबारे आफूलाई कुनै पनि पूर्वजानकारी नरहेको स्पष्ट पार्दै आफू र अन्य खेलाडीहरू यस विषयमा पूर्ण रूपमा अनजान रहेको दाबी गरेका छन्।