कर्णालीको आँगनमा खेलकुद महाकुम्भ: १३३७ पदका लागि राष्ट्रिय रङ्गमञ्च सझ्दै
सुर्खेतको ऐतिहासिक माटोमा पहिलोपटक आयोजना हुन गइरहेको दशौं राष्ट्रिय खेलकुद प्रतियोगिताले सिंगो कर्णाली प्रदेशलाई नै ऊर्जावान र उत्साहित बनाइदिएको छ। आगामी मंसिर १६ देखि २७ गतेसम्म हुने यस महाउत्सवमा देशका विभिन्न कुनाबाट जम्मा भएका खेलाडीहरूले १ हजार ३३७ वटा पदकका लागि कडा प्रतिस्पर्धा गर्ने भएका छन्।
राष्ट्रिय खेलकुद परिषद्का अनुसार यस राष्ट्रिय प्रतियोगितामा देशभरबाट ११ वटा विशिष्ट टोलीहरूको सहभागिता रहनेछ। कुल ३२ वटा खेल विधाअन्तर्गत ३८४ वटा विभिन्न इभेन्ट्समा खेलाडीहरूले आफ्नो खेल कौशल प्रदर्शन गर्नेछन्। प्रतियोगितालाई निष्पक्ष र मर्यादित रूपमा सम्पन्न गर्न करिब १ हजार ३०० जना निर्णायकहरू मैदानमा खटिनेछन्। मुख्य प्रतियोगिता मङ्सिर १६ गतेबाट सुरु भए पनि केही खेलहरू भने पूर्व निर्धारित तालिका अनुसार मङ्सिर ८ गतेदेखि नै सञ्चालन हुनेछन्।
प्रतियोगिताको भव्य उद्घाटन र समापन समारोह सुर्खेतको वीरेन्द्रनगरस्थित अत्याधुनिक कर्णाली प्रदेश रङ्गशालामा हुनेछ। यस आयोजनाले भौगोलिक रूपमा पछाडि परेको कर्णाली क्षेत्रको आर्थिक, सामाजिक तथा खेलकुद विकासमा नयाँ आयाम थप्ने अपेक्षा गरिएको छ। नेपाली खेलकुदप्रेमीहरूका लागि यो कुम्भमेला उत्सव र सद्भावको गतिलो माध्यम बन्ने निश्चित छ।

ललित सन्देश
यस अनलाइन पोर्टलका आधिकारिक लेखक तथा सम्पादक हुनुहुन्छ। देश तथा विदेशका ताजा र सत्य तथ्य समाचार पस्कन सधैं अग्रसर।
टिप्पणी लेख्नुहोस्