तोलामा ९०० रुपैयाँले बढ्यो सुनको मूल्य, चाँदी ३ हजार ९८० पुग्यो

काठमाडौँ — अघिल्लो दिनको तुलनामा बुधबार नेपाली बजारमा सुनचाँदीको भाउ उकालो लागेको छ। मंगलबारको तुलनामा सुन तोलामा ९०० रुपैयाँ र चाँदी १० रुपैयाँले महँगिएको छ।

नेपाल सुनचाँदी व्यवसायी महासङ्घका अनुसार अघिल्लो दिन अर्थात् मंगलबार छापावाल सुन प्रतितोला २ लाख ८२ हजार ३०० रुपैयाँ र चाँदी प्रतितोला ३ हजार ९७० रुपैयाँमा खरिदबिक्री भएको थियो।

बुधबार नयाँ दरभाउ निर्धारण भएसँगै छापावाल सुनको मूल्य २ लाख ८३ हजार २०० रुपैयाँ र चाँदीको मूल्य ३ हजार ९८० रुपैयाँ पुगेको छ।