प्रधानमन्त्री वालेन्द्र शाह र रास्वपा सभापति रवि लामिछानेबीच चार घण्टा राजनीतिक संवाद

काठमाडौँ — प्रधानमन्त्री वालेन्द्र शाह र राष्ट्रिय स्वतन्त्र पार्टी (रास्वपा) का सभापति रवि लामिछानेबीच बूढानीलकण्ठस्थित लामिछाने निवासमा चार घण्टा लामो महत्त्वपूर्ण राजनीतिक संवाद भएको छ। बिहान १० बजेदेखि दिउँसो सवा २ बजेसम्म चलेको यस भेटवार्तापछि बुधबारका लागि तय गरिएको मन्त्रिपरिषद्को बैठकसमेत बिहीबारका लागि सारिएको छ।

सरकार सञ्चालनका समसामयिक विषय, निजामती अध्यादेश र प्रहरी नेतृत्वका सम्बन्धमा साझा धारणा बनाउन दुई शीर्ष नेताहरूबीच गहन छलफल भएको रास्वपा स्रोतले पुष्टि गरेको छ। आधिकारिक रूपमा कुनै औपचारिक वक्तव्य जारी नभए पनि दुई नेताबीच महत्त्वपूर्ण राजनीतिक नियुक्ति तथा आगामी नीतिगत कदमहरूबारे संवाद जारी राख्ने सहमति भएको छ।