सांस्कृतिक परम्परा र सामाजिक सद्भाव प्रवर्द्धनका लागि कांग्रेस महानगरद्वारा सुकुन्दा र्यालीको तयारी
काठमाडौँ — सांस्कृतिक पहिचान र परम्परागत ऐतिहासिक धरोहरलाई संरक्षण गर्दै समाजमा आपसी सद्भाव अभिवृद्धि गर्ने उद्देश्यले कांग्रेस काठमाडौँ महानगर समितिले मौलिक कार्यक्रमको तयारी गरेको छ। महानगर समितिका सभापति सुशन वैद्यले ऐतिहासिक नेवाः सभ्यता र नेपाल संवत्को महत्वलाई उजागर गर्न सुकुन्दा र्यालीको अवधारणा ल्याइएको बताएका छन्। चाडपर्वका बेला राजधानीको भित्री सहरी क्षेत्रमा हुने सांगीतिक तथा सांस्कृतिक चहलपहललाई थप जीवन्त बनाउन यो कार्यक्रमले विशेष भूमिका खेल्ने विश्वास लिइएको छ।
राजधानीका पुराना र ऐतिहासिक नेवार वस्तीहरू समेटिएको रुट हुँदै अघि बढ्ने यो र्यालीले स्थानीय कला, संस्कृति, रीतिरिवाज र सहरी सौहार्दतालाई प्रवर्द्धन गर्न ठूलो सहयोग पुग्ने आयोजकको भनाइ छ। राजनीतिक दलहरूले केवल चुनावी राजनीतिक गतिविधि मात्र नभई स्थानीय मौलिक संस्कृति र पर्वहरूको जगेर्नामा पनि अग्रसर हुनुपर्छ भन्ने सन्देश दिन खोजिएको यस र्यालीमा काठमाडौँका विभिन्न टोलबाट सांस्कृतिक बाजागाजा तथा झाँकीसहित सहभागिता जनाउने तयारी गरिएको छ।
ललित सन्देश
यस अनलाइन पोर्टलका आधिकारिक लेखक तथा सम्पादक हुनुहुन्छ। देश तथा विदेशका ताजा र सत्य तथ्य समाचार पस्कन सधैं अग्रसर।
टिप्पणी लेख्नुहोस्