विशेष सुरक्षा सल्लाहकारको नियुक्ति पत्र बुझ्न दानबहादुर कार्कीको अस्वीकार
काठमाडौँ — नेपाल प्रहरीका प्रहरी महानिरीक्षक (आईजीपी) पदबाट हटाइएका दानबहादुर कार्कीले सरकारले दिएको प्रधानमन्त्री तथा मन्त्रिपरिषद् कार्यालयको विशेष सुरक्षा सल्लाहकारको नियुक्ति पत्र बुझ्न स्पष्ट अस्वीकार गर्नुभएको छ। हालै बसेको मन्त्रिपरिषद् बैठकले कार्कीलाई आईजीपीको जिम्मेवारीबाट हटाएर विशेष सुरक्षा सल्लाहकार बनाउने निर्णय गरेको थियो।
सल्लाहकारको पद स्वीकार नगर्ने अडान लिँदै कार्कीले सरकारको उक्त निर्णयविरुद्ध सर्वोच्च अदालतमा रिट दायर गर्नुभएको छ। सरकारको यो कदमले आफ्नो व्यावसायिक मर्यादा र सुरक्षा निकायको स्थापित परिपाटीमाथि आघात पुर्याएको भन्दै उहाँले न्यायका लागि अदालतको शरण परेको स्पष्ट पार्नुभएको छ। यस घटनाले गृह प्रशासन र प्रहरी नेतृत्वबीचको विवादलाई सतहमा ल्याइदिएको छ।
ललित सन्देश
यस अनलाइन पोर्टलका आधिकारिक लेखक तथा सम्पादक हुनुहुन्छ। देश तथा विदेशका ताजा र सत्य तथ्य समाचार पस्कन सधैं अग्रसर।
टिप्पणी लेख्नुहोस्