सुनसँगै चाँदीको भाउ पनि ओरालो, प्रतितोला ३ हजार ४९० रुपैयाँमा कारोबार
काठमाडौँ — स्थानीय बजारमा मंगलबार सुनको मूल्य घट्नुका साथै चाँदीको भाउमा पनि गिरावट देखिएको छ। नेपाल सुन–चाँदी व्यवसायी महासंघले तय गरेको दैनिक दरभाउअनुसार आज चाँदी प्रतितोला ३० रुपैयाँले घटेको हो।
मूल्य घटेसँगै आज चाँदी प्रतितोला ३ हजार ४९० रुपैयाँमा खरिदबिक्री भइरहेको महासंघले जानकारी दिएको छ। अघिल्लो दिन सोमबार सोही परिमाणको चाँदी प्रतितोला ३ हजार ५२० रुपैयाँमा कारोबार भएको थियो। अन्तर्राष्ट्रिय बजारमा बहुमूल्य धातुहरूको मूल्यमा आएको हेरफेरको प्रत्यक्ष प्रभावस्वरूप नेपाली बजारमा पनि सुन र चाँदी दुवैको मूल्य सस्तिएको व्यवसायीहरूले बताएका छन्।

ललित सन्देश
यस अनलाइन पोर्टलका आधिकारिक लेखक तथा सम्पादक हुनुहुन्छ। देश तथा विदेशका ताजा र सत्य तथ्य समाचार पस्कन सधैं अग्रसर।
टिप्पणी लेख्नुहोस्