पश्चिमी वायुको आंशिक प्रभाव : कोशी र गण्डकीका हिमाली क्षेत्रमा हल्का वर्षा र हिमपातको सम्भावना
काठमाडौँ — हाल नेपालमा पश्चिमी वायुको आंशिक प्रभाव रहेको जल तथा मौसम विज्ञान विभाग, मौसम पूर्वानुमान महाशाखाले जनाएको छ। महाशाखाले आज बिहान जारी गरेको मौसम बुलेटिनअनुसार दिउँसो कोशी र गण्डकी प्रदेशका हिमाली भू–भागका एक–दुई स्थानमा हल्का वर्षा तथा हिमपात हुने सम्भावना रहेको छ।
यसैगरी, आज कोशी प्रदेशलगायत बागमती, गण्डकी र लुम्बिनी प्रदेशका हिमाली तथा पहाडी भू–भागमा आंशिक बदली रहने महाशाखाले उल्लेख गरेको छ। पश्चिमी वायुको प्रणाली कमजोर रहेकाले देशका अन्य भागमा भने ठूलो मौसमी बदलीको सङ्केत देखिएको छैन, यद्यपि उच्च हिमाली भेगमा चिसो बढ्न सक्ने भएकाले आवश्यक सतर्कता अपनाउन सुझाव दिइएको छ।

ललित सन्देश
यस अनलाइन पोर्टलका आधिकारिक लेखक तथा सम्पादक हुनुहुन्छ। देश तथा विदेशका ताजा र सत्य तथ्य समाचार पस्कन सधैं अग्रसर।
टिप्पणी लेख्नुहोस्